Saturday, July 19, 2008

ഒരു ശാസ്ത്രജ്ഞന്‍ ജനിക്കുന്നു

നാളെ സയന്‍സ് ക്ലബ് മീറ്റിംഗ് ഉണ്ടാവുമത്രേ.
അമ്മ പറഞ്ഞിട്ടുണ്ട് ചേര്‍ന്നോളാന്‍, അവനു സന്തോഷം തോന്നി . യാതൊന്നിനും വിടുന്ന പതിവില്ല , പന്തുകളിക്കാന്‍ , നീന്താന്‍ , ഒന്നിനും വിടാറില്ല. ബോറടി മാറ്റാന്‍ കുറെ പുസ്തകങ്ങള്‍ വാങ്ങി തന്നിട്ടുണ്ട് . കഥാപുസ്തകങ്ങള്‍ , സയന്‍സ് ക്രീം പുസ്തകങ്ങള്‍ എത്ര എണ്ണമാണ് . സത്യത്തില്‍ അവനോഴിവ്സമയം കിട്ടാറില്ല , പഠിപ്പാണെപ്പോഴും , അതിന് അമ്മയുടെ വഴക്കും കേള്‍ക്കാരുന്ടു . മൂന്നാം ക്ലാസ്സ് വരെ ഒരു കുഴപ്പവുമില്ലാത്ത കുട്ടിയായിരുന്നു , പഠിക്കുകയേ വേണ്ട , പറമ്പില്‍ ചുറ്റിനടന്നു പൂക്കള്‍ പറിച്ചു കൂട്ടും , ചെടികള്‍ പറിച്ചു വേരുകള്‍ എണ്ണിനോക്കും , മരത്തില്‍ കയറി തൂങ്ങിക്കിടക്കും അപ്പോഴും അമ്മ വഴക്ക് പറഞ്ഞിരുന്നു .നാലാം ക്ലാസ്സില്‍ എത്തിയപ്പോഴാണ് പെട്ടെന്നൊരു തോന്നല്‍ , പഠിക്കണം പഠിക്കണം . "ഇവന്റെ തലയിലെന്താ വല്ല തേങ്ങയും വീണോ ?" അമ്മ ചോദിക്കാതിരുന്നില്ല. ഇടവേളകളില്‍ പുസ്തകങ്ങളുമായവന്‍ സ്വകാര്യം പറഞ്ഞു തുടങ്ങി .അങ്ങിനെ ഒരു ദിവസം അതാ കണ്ടെത്തി വൈദ്യുതി ഉണ്ടാക്കാനുള്ള വിദ്യ !! "എത്രയെളുപ്പം , എന്നിട്ടാണോ കരണ്ടു പോകുമ്പോള്‍ ഇരുട്ടത്തിരിക്കുന്നത് " സ്വയം ചോദിച്ചു .കുറച്ചു ചെറുനാരങ്ങ വേണം പിന്നെ ചെമ്പു കമ്പി ,നാകക്കംപി ,നാകം മാത്രം മനസ്സിലായില്ല .ചെമ്പ് കമ്പിയും കുറെ വേലിക്കംബിയും കൂട്ടിപ്പിരിച്ചു നാരങ്ങയില്‍ തുളച്ചുകയറ്റി ഒരു മാല തന്നെ ഉണ്ടാക്കി . അടുത്ത മുറികളില്‍ താമസിക്കുന്ന ശാന്ത ടീച്ചര്‍ , കദീജ ടീച്ചര്‍ ,എല്‍സമ്മ ടീച്ചര്‍ , എത്തിയ എല്ലാരും അന്തം വിട്ടു വാപൊളിച്ചു നില്‍ക്കുകയാണ്‌ .ഇത്ര ഭയന്കരനായ കരന്റിതാ ഉണ്ടാവാന്‍ പോകുന്നു . കമ്പിഎടുത്തു ബള്‍ബില്‍ മുട്ടിച്ചു , അത്ഭുതം ! ഒന്നും സംഭവിക്കുന്നില്ല .

എന്താണ് പറ്റിയത് ? അറിയില്ല ,പരീക്ഷണം പോളിഞ്ഞതോടെ എല്ലാം വലിച്ചെറിഞ്ഞു അവനോടി ,സ്വന്തം മാളമായ കല്ലുവെട്ടു മടയിലേക്ക് . ടീച്ചര്‍മാര്‍ ആലോചനയിലാണ് , പക്ഷെ എന്ത് വിശേഷം ? മലയാള സാഹിത്യം , ഹിന്ദി വിദ്യ ,സാമൂഹ്യ പാഠം ഇവയെല്ലാം കൂട്ടിവച്ചു ആലോചിച്ചിട്ടും തീരുമാനം ഒന്നുമായില്ല . അമ്മയാവട്ടെ പ്രതിഷേധിച്ചു രാമായണപാരായണം തുടങ്ങി .
"മോനേ , നീ എന്തിനാണ് എല്ലാവരോടും പറഞ്ഞതു ?" അമ്മയുടെ ചോദ്യം , എല്ലാരും നോക്കിയിരുന്നത് കൊണ്ടാണ് പരീക്ഷണം പൊളിഞ്ഞത്.അന്നൊരു തീരുമാനം എടുത്തു , മേലില്‍ പരീക്ഷണത്തിന് കാണികള്‍ വേണ്ട .വാശിയായി , സയന്‍സ്ക്രീം പുസ്തകങ്ങള്‍ തീറ്റി തുടങ്ങി , കൂടെ ശാന്തകുമാര്‍ മാഷിന്റെ പരീക്ഷണ പുസ്തകങ്ങളും . അപ്പോഴല്ലേ കാര്യം പിടികിട്ടിയത് , പരീക്ഷണശാലയിലാണ് പരീക്ഷണം നടത്തെണ്ടത്. എഡിസന്റെ പരീക്ഷണശാലയെപ്പറ്റി വായിച്ചു കോരിത്തരിച്ചു . തകരപ്പാട്ട , ഡപ്പികള്, കുപ്പികള്‍ , സാധനങ്ങള്‍ അനവധി പെറുക്കി കൂട്ടി . ഇതിലെല്ലാം എന്ത് നിറക്കും? അടുത്ത പ്രശ്നം . ചുവപ്പ് , നീല , കറുപ്പ് , മഷികള്‍ സുലഭം പിന്നെ ചുണ്ണാമ്പും . പിന്നെയോ ? അപ്പോഴാണ്‌ അമ്മ പറഞ്ഞതു സയന്‍സ് ക്ലബ്ബില്‍ ചേരാന്‍ . ശാസ്ത്രജ്ഞനാകുന്ന സുദിനവും കാത്തിരിപ്പായി പിന്നെ , ആ മീറ്റീങ്ങാണ് നടക്കാന്‍ പോകുന്നത് .
മെന്‍ലോ പാര്‍ക്കിലെ
ജാലവിദ്യക്കാരനെ പോലെ കൊടുവള്ളിയിലെ ജാലവിദ്യക്കാരനാവുന്നത് സങ്കല്പിച്ചു അവനിരുന്നു , സ്വപ്നങ്ങളുടെ കാലിടോസ്കോപിലെ തിളങ്ങുന്ന വര്‍ണങ്ങള്‍ നോക്കി.

15 comments:

അനില്‍@ബ്ലോഗ് said...

ചെമ്പ് കമ്പിയും കുറെ വേലിക്കംബിയും കൂട്ടിപ്പിരിച്ചു നാരങ്ങയില്‍ തുളച്ചുകയറ്റി ഒരു മാല തന്നെ ഉണ്ടാക്കി . അടുത്ത മുറികളില്‍ താമസിക്കുന്ന ശാന്ത ടീച്ചര്‍ , കദീജ ടീച്ചര്‍ ,എല്‍സമ്മ ടീച്ചര്‍ , എത്തിയ എല്ലാരും അന്തം വിട്ടു വാപൊളിച്ചു നില്‍ക്കുകയാണ്‌

NishkalankanOnline said...

കഥയുള്ള കഥ, കൌതുകമുള്ള കഥ

ആശംസകള്‍

ജയകൃഷ്ണന്‍ കാവാലം

അനൂപ്‌ കോതനല്ലൂര്‍ said...

ഞാനും കുറെ പരിക്ഷണങ്ങളൊക്കെ നടത്തിട്ടുണ്ട്
പക്ഷെ അടുക്കളേലാണെന്ന് മാത്രം
നല്ല കഥയാട്ടോ അനിലെ

OAB said...

ഇനി തല്‍ക്കാലം ബ്ലോഗിലെ കലൈഡസ്കോപ്പായി തിളങ്ങിയിട്ട് മതി അനിലേ മറ്റൊക്കെ.

ഒഎബി.

ശിവ said...

ചെമ്പ് കമ്പിയും വേലിക് കമ്പിയും കൂട്ടിപ്പിരിച്ചു നാരങ്ങയില്‍ തുളച്ചുകയറ്റി മാലയുണ്ടാക്കിയത് വായിച്ചപ്പോള്‍ ചിരിച്ചു പോയി...

സസ്നേഹം,

ശിവ.

രസികന്‍ said...

എത്തിയ എല്ലാരും അന്തം വിട്ടു വാപൊളിച്ചു നില്‍ക്കുകയാണ്‌ .ഇത്ര ഭയന്കരനായ കരന്റിതാ ഉണ്ടാവാന്‍ പോകുന്നു . കമ്പിഎടുത്തു ബള്‍ബില്‍ മുട്ടിച്ചു , അത്ഭുതം ! ഒന്നും സംഭവിക്കുന്നില്ല .

ഹ ഹ നന്നായിരുന്നു മാഷെ, ബാക്കി ചിന്തകൾകൂടി ഇങ്ങു പോന്നോട്ടെ
സസ്നേഹം രസികന്‍

smitha adharsh said...

:)

Jyotsna P kadayaprath said...

kuttikalude manas vaykan oru kuttiyolam valaranam...thankal athrem valarnitund ketooo

മയൂര said...

:)

മയൂര said...

:)

Rare Rose said...

കുഞ്ഞു മനസ്സിലേക്ക് ഒരെത്തിനോട്ടം.......കൊള്ളാം ട്ടാ..:)

താരകം said...

ആദ്യ പരീക്ഷണം പരാജയപ്പെട്ടെങ്കിലും തുടര്‍ന്നില്ലേ?

അരുണ്‍കുമാര്‍ | Arunkumar said...

:)

അനില്‍@ബ്ലോഗ് said...

നന്ദി ജയകൃഷ്ണന്‍ കാവാലം,അനൂപ്,
ഒഎബി -ഇനി ബ്ലൊഗ്ഗ് പരീക്ഷണമാണു.
ശിവ,
രസികന്‍ രസിച്ചതിനു,
സ്മിത,ജ്യൊട്സ്ന,മയൂര,റയര്‍ റൊസ്,
അരുണ്‍ കുമാര്‍,
താരകം- ആ കുട്ടിയെ അടുത്തിടെ കാണാനിടയായി, അടിസ്ഥാന്‍ ശാസ്ത്രം, ഇലക്ടോണിക്സ്, മറ്റുള്ളവ അങ്ങിനെ മൂന്നു പരീക്ഷണ ശാലകള്‍ സ്വന്തമായുണ്ടിപ്പൊള്‍ ഹൊബിക്കായി.പിന്നെ ആ കുട്ടി ഉണ്ടാക്കുന്ന ചില മൊഡെലുകളും മറ്റും സമീപ സ്കൂളുകള്‍ക്കു ശാത്രമേളകളില്‍ സമ്മാനം വാങ്ങിക്കൊടുക്കുന്നു.

doney “ഡോണി“ said...

കൊള്ളാം...നന്നായിരിക്കുന്നു..